جاوید شیخ کی زندگی کا بدترین وقت

جاوید شیخ ایک سینئر اور لیجنڈ پاکستانی اداکار ہیں جو کئی دہائیوں سے شوبز انڈسٹری کا حصہ ہیں۔ انہوں نے مختلف ڈراموں اور فلموں میں اپنی شاندار اداکاری سے پوری دنیا میں بے پناہ مقبولیت اور پذیرائی حاصل کی۔

حال ہی میں اداکار جاوید شیخ کو ’’گڈ مارننگ پاکستان‘‘ میں دیکھا گیا۔ جاوید شیخ نے اپنی زندگی کے مشکل دور کا ذکر کرتے ہوئے بتایا کہ ’سال 2000 میں میں نے بطور ہیرو تقریباً 100-150 فلمیں کیں۔ میری آخری فلم ’یس باس‘ تھی جو میری اپنی فلم تھی لیکن بدقسمتی سے وہ فلم فلاپ ہوگئی۔

فلم کے فلاپ ہونے کے بعد میں نے اپنی زندگی میں بہت مشکل وقت کا سامنا کیا کیونکہ میرے پاس کرنے کو کوئی کام نہیں تھا۔ پروڈیوسر یا ڈائریکٹر میں سے کوئی بھی مجھے اپنے پروجیکٹ میں کاسٹ کرنے کو تیار نہیں تھا۔ یہ میری زندگی کا بدترین وقت تھا”، جاوید شیخ نے مزید کہا۔