چہلم حضرت امام حسین کے جلوس کے لیے ملک بھر میں سیکیورٹی کیلئے فوج، سول آرمڈ فوسز کی تعیناتی کا نوٹیفکیشن جاری کردیا گیا۔وزارت داخلہ میں سیکیورٹی کی صورتحال کو مانیٹر کرنے کیلئے سینٹرل کنٹرول روم قائم کیا گیا ہے۔وفاقی وزیر داخلہ رانا ثناء اللّٰہ کا کہنا ہے کہ چہلم امام حسین پر فوج، سول حکومت کی مدد کیلئے سیکیورٹی فرائض سر انجام دے گی، فوج کے ساتھ رینجرز، ایف سی، دیگر فورسز بھی سیکیورٹی خدمات سر انجام دیں گی۔رانا ثناء اللّٰہ نے کہا کہ فوج سیلاب ڈیوٹی کےساتھ ساتھ چہلم سیکیورٹی کیلئے بھی اپنی خدمات دے گی، سینٹرل کنٹرول روم سے تمام جلوسوں اور سیکیورٹی کے معاملات کو مانیٹر کیا جائے گا۔وزیر داخلہ نے کہا کہ چہلم کے جلوس، راستوں اور امام بارگاہوں کی سیکیورٹی کیلئے خصوصی اقدامات کیے جائیں گے۔
چہلم حضرت امام حسین سیکیورٹی کیلئے فوج، سول آرمڈ فوسز کی تعیناتی کا نوٹیفکیشن جاری
