صحت کارڈ، پنجاب میں مہنگا علاج بند، مریض پریشانی کا شکار
مجلس وحدت مسلمین شعبہ خواتین کی سابق مرکزی سیکرٹری جنرل و رکن پنجاب اسمبلی سیدہ زہرا نقوی نے ایک تحریک التواء کار پنجاب اسمبلی میں جمع کروا دیا ہے جس میں کہا گیا ہے کہ پنجاب میں قومی صحت کارڈ سے شریان پھٹنے کے باعث دماغ میں کوائلنگ کرنے کا مہنگا ترین علاج بند کر دیا گیا ۔
سینکڑوں مریضوں کی فائلیں واپس کردیں جس کے باعث مریض شدید پریشانی میں مبتلاء ہیں ۔ شریان پھٹنے کے باعث مریضوں کے دماغ میں کوائلنگ کرنے کیلئے ایک کوائل کا خرچہ پانچ سے چھ لاکھ ہے، ہسپتال کے بلز اور دیگر اخراجات الگ ہیں جسکی وجہ سے پنجاب کے بڑے واحد نیورو ہسپتال میں علاج بند کردیا گیا ہے ۔ مریضوں کی فائلیں بھی بند کر دی گئی ہیں ۔
