نبی کریمﷺ مسجد قبا تک جانے کے لئے یہی راستہ استعمال کیا کرتے تھے
مسجد نبویﷺ سے اسلام کی پہلی مسجد قباء تک پہنچنے کے لئے پیدل چلنے والوں کے لیے خصوصی راستہ تیار کرلیا گیا ہے۔ خصوصی ٹریک کو’ درب السنہ ‘ کہا جا تا ہے۔
تقریباً تین کلومیٹر کا ٹریک اس تاریخی راستے پر بنایا گیا ہے جسے نبی کریم ﷺ مسجد نبوی ﷺ سے مسجد قبا جانے کے لئے استعمال کیا کرتے تھے۔ نبی کریم ﷺ کبھی پیدل اور کبھی اونٹنی پر مسجد قبا تک سفر کیا کرتے تھے۔
پیدل چلنے والوں کے لئے خصوصی ٹریک کو جدید طرز پر بنایا گیا ہے اور پورے راستے کو لائٹس سے سجایا گیا ہے جبکہ خریداری کے لئے اطراف میں دکانیں بھی بنائی گئی ہیں۔
