ملک بھر کے مختلف علاقوں میں بجلی کی فراہمی معطل
مُلک کے جنوبی ٹرانسمیشن سسٹم میں فنی خرابی ، متعدد پاور پلانٹس ٹرپ ہوگئے
سندھ میں بجلی کا بڑا بریک ڈاؤن سامنے آیا ہے، کینپ نیوکلیئر پلانٹ کی بجلی بھی سسٹم سے نکل گئی ہے اور ملتان سے زیریں پنجاب میں بھی بجلی سسٹم سے نکل چکی ہے نیشنل گرڈ میں خلل سے 6 ہزار میگاواٹ بجلی سسٹم سے نکلی ہے جس کی بحالی کے لیے آپریشن جاری ہے
نیشنل گرڈ میں خرابی سے شہر قائد کراچی کا بڑا حصہ بجلی سے محروم ہو چکا ہے، کراچی کے علاقوں لیاقت آباد سی ون ایریا، فیڈرل بی ایریا بلاک 13، 12، 11، ناظم آباد بلاک چار اور تین، کھارادر، لیاری، اولڈ سٹی ایریا، ملیر ہالٹ اور رفاع عام میں بھی بجلی کی فراہمی معطل ہوگئی۔راشد منہاس روڈ، گلشن جمال، ڈالمیا روڈ، گلستان جوہر، گلشن اقبال، ڈیفنس ہاؤسنگ اور پی ای سی ایچ سوسائٹی میں بھی بجلی کی فراہمی بند ہوگئی ہے
اعلامیہ پاور ڈویژن کے مطابق مُلک کے جنوبی حصے میں بجلی کی ترسیل میں رکاوٹ آ رہی ہے،وزارتِ توانائی فنی خرابی کی وجہ کی تفتیش کر رہی ہے،جلد از جلد بجلی کے نظام کو مکمل بحال کر لیاجائے گا،
