کہ ماحولیاتی آلودگی کا باعث بننے والے کارخانوں ، سٹون کریشنگ یونٹس، گاڑیوں اور بھٹہ جات کے خلاف کریک ڈوان تیز کیے جائیں۔ اس طرح فصلوں کی باقیات کو جلانے والے کسانوں کو بھاری جرمانے کیے جائیں۔ صرف زگ زیگ ٹیکنالوجی استعمال کرنے والے بھٹہ جات کو کام کرنے کی اجازت ہوگی۔ دھواں کنٹرول کرنے والے آلات نہ لگانے والے کارخانوں اور گردو غبار کو روکنے والے آلات نہ لگانے والے کریشنگ یونٹس کو سیل کردیا جائے۔ ڈویژنل بھر میں موضع سطح پر انسداد سموگ سکواڈ تشکیل دے کر انہیں متحرک کیا جائے۔ یہ احکامات انہوں نے سموگ( فضائی آلودگی ) کی روک تھام کے لیے ڈویژن بھر میں متعلقہ محکموں کی جانب سے اٹھائے جانے والے اقدامات کے جائزہ اجلاس میں جاری کیے۔ اجلاس میں ڈپٹی کمشنر سرگودھا کیپٹن ریٹائرڈ ندیم ناصر ، ڈپٹی کمشنر خوشاب میثم رضا، ڈپٹی کمشنر میانوالی محمد عمیر اور ڈپٹی کمشنر بھکر خرم شہزاد کے علاوہ ایڈیشنل کمشنر کواڈنیشن فرید احمد، اے ڈی سی آرز، زراعت،ماحولیات، لوکل گورنمنٹ، ٹریفک، ڈی آر ٹی اے اور جنگلات کے افسران نے شرکت کی۔ کمشنر نے شہریوں میں فضائی آلودگی کے حوالے سے بھرپور آگاہی مہم چلانے کی ہدایت کی۔ انہوں نے زیر تعمیر سڑکوں سے اٹھنے والے گردو غبار کو روکنے کے لیے پانی کے مسلسل چھڑکاو¿ کو یقینی بنانے کی ضرورت پر زور دیا۔ انہوں نے غیر معیاری پٹرول اور ڈیزل فروخت کرنے والے دکانداروں کے خلاف بھی سخت ایکشن لینے کی بھی ہدایت کی۔ اس موقع پر چاروں ڈپٹی کمشنرز نے انسداد ماحولیات کے حوالے سے اٹھائے جانے والے اقدامات جن میں زگ زیگ ٹیکنالوجی استعمال نہ کرنے والے بھٹہ جات، دھواں چھوڑنے والی گاڑیوں، فصلوں کی باقیات اور کوڑا کرکٹ جلانے اور دھواں کنٹرول نہ کرنے والے کارخانوں کے خلاف اب تک ہونے والے ایکشن اور کسانوں سمیت دیگر شہریوں میں فضائی آلودگی بارے شعور اجاگر کرنے کے بارے جاری آگاہی مہم بارے تفصیلی بریفنگ دی۔ ٭٭٭٭٭
ہمارے متعلق
ٹی ٹائمز نیوز پر شائع ہونے والی تمام خبریں ذرائع سے مصدقہ اور حقائق پر مبنی ہیں۔ کسی بھی خبر کی تردید و توثیق ادارے کی طرف سے بروقت ویب سائٹ پر شائع کر دی جاتی ہے۔ہماری ٹیم حق اور انصاف کے بول کے ساتھ درستگی اور اصلاح کے صحافتی اصول و ضوابط پر مشتمل ایک ادارہ ہے۔ ہماری ٹیم کی کوشش ہوتی ہے کہ کرپشن، بددیانتی، جرائم، ظلم و زیادتی اورملک دشمن عناصر کے خلاف ایک مضبوط آواز اور حقائق پر مبنی خبریں اپنے قارئین تک پہنچائیں۔
