وزیرآباد: وزیراعلی چودھری پرویزالٰہی نے بیان لیک کرنے پر متعلقہ تھانے کے ایس ایچ او سمیت سارے عملے کو معطل کر دیااطلاعات کے مطابق عمران خان اور ساتھیوں پرقاتلانہ حملہ کرنے والے مجرم کوبچانے اور اس کیس کوکمزور کرنے کے معاملے کا انکشاف ہوا ہے ، انہیں حالات کے پیش نظر وزیر اعلی چودھری پرویزالٰہی نے انسپکٹر جنرل پولیس کو غیر ذمہ دار اہلکاروں کے خلاف سخت تادیبی کارروائی کی ہدایت کردیاس سلسلے میں معلوم ہوا ہے کہ چوہدری پرویزالہی کے حکم پر وزیرآباد تھانے کے تمام عملے کے موبائل قبضے میں لے لئے گئے ، موبائل فونز کا فرانزک آڈٹ کرایا جائے گا۔اس کے ساتھ ساتھ وزیر اعلی چودھری پرویزالٰہی نےبیان لیک ہونے کے واقعہ کی انکوائری کا حکم دے دیا ہےچودھری پرویزالٰہی نے آئی جی پنجاب کو ہدایت جاری کرتے ہوئے کہا ہے کہ اس کھیل کے پیچھے چپھے محرکات کی تحقیقات کرکے حقائق سامنے لائے جائیںسابق وزیراعظم عمران خان پر ہونے والے قاتلانہ حملے کے حوالے سے وزیر اعلی چودھری پرویزالٰہی کی زیر صدارت ہنگامی اجلاس ہوا ہے ، اس اہم اجلاس میں فائرنگ کے واقعہ کا جائزہ لیا گیااس حوالے سے مشاورتی اس اہم اجلاس میں انسپکٹر جنرل پولیس، سپیکر پنجاب اسمبلی سبطین خان،شفقت محمود، ایم پی اے حافظ عمار یاسر، اختر ملک،میاں محمودالرشید، پرنسپل سیکرٹری وزیر اعلی محمد خان بھٹی، کمشنر لاہورڈویژن، سی سی پی او لاہور اور متعلقہ حکام بھی لاہور اجلاس میں شریک ہوئے
