ٹی ٹائمز نیوز کی رپورٹ کے مطابق تحریک انصاف کے چیئرمین عمرن خان نے کہا ہے کہ لانگ مارچ پر حملہ ہوا،میری دائیں ٹانگ سے 3گولیاں نکالی گئیں،میں اپنی ٹانگ پر زورنہیں ڈال سکتا،اسے ٹھیک ہونے میں میں 4 ہفتے لگیں گے،عمران خان کا کہنا تھا کہ ایک گولی نے میری ٹانگ کی ہڈی کریک کی جو میرے لیے پریشان کن ہے،ہمارا ایک بہترین تحقیقاتی صحافی جو میری رائے کو بڑھا رہا تھا اسے دھمکایا گیا، صحافی نے پاکستان چھوڑ دیا اور پھر ان کوکینیا میں قتل کردیا گیا، مجھے راستے سے ہٹانے کے خواہشمندوں کے لیے خطرہ توابھی بھی موجود ہے،بدقسمتی سے میں سمجھتا ہوں دوبارہ میری جان لینے کی کوشش کی جائے گی، مجھے اس لیے راستے ہٹانا چاہتاہے ہیں کیونکہ میری جماعت مقبول ہے ہم نے ضمنی الیکشن میں 75 فیصد کامیابی حاصل کی، ہم نے شاندار کامیابی حاصل کی اور ہماری مقبولیت میں اضافہ ہوا،بنیادی طور پر عوام ان مجرموں سے نجات چاہتی ہےکابینہ کے 61 فیصد ممبران پر کرپشن کیس ہیں،ہمیں عوامی حمایت حاصل ہے،اس لیے میرے نزدیک میری جان کو ابھی بھی خطرہ ہے،عمران خان کا مزید کہنا تھا کہ سائفر ایک خفیہ دستاویز ہے جو موجود ہے، امریکا میں ہمارے سفیر اور ڈونلڈ لو کے درمیان گفتگو پر مبنی سائفر تھا،ڈونلڈ لو سفیر کو کہہ رہاہے عمران خان کو تحریک عدم اعتماد سے ہٹایا نہ تو خمیازہ بھگتنا پڑے گا، میں نے اصل میں کہا تھا کہ یہ سب پیچھے رہ گیا، میری حکومت کو امریکی سازش کے ذریعے ہٹایا گیا، مجھے اپنے عوام کے مفاد کے راستے میں حائل نہیں ہونا چاہیے،پاکستان کے عوام کا مفاد یہ ہے کہ تمام ممالک سے اچھے تعلقات ہوں،میں سازش کے بیانیے سے پیچھے نہیں ہٹا کیونکہ سائفر موجود ہے، سائفر کابینہ اور نیشنل سیکیورٹی کو نسل کمیٹی کے سامنے رکھا سائفر چیف جسٹس کے پاس ہے جس پر ہم آزادانہ انکوائری چاہتے ہیں،
