مسلم لیگ ن کے رہنماؤں نے کہا ہے کہ نااہلی عمران خان کا مقدر ہے،
ن لیگی رہنما عابد شیر علی کا کہنا تھا کہ طلال چودھری کو نا اہل کیا گیا ان کا کیا قصور تھا،عمران خان کو نااہلی سے کوئی طاقت نہیں بچا سکتی،نواز شریف کو عدالتوں سے سزادی جاتی ہے، الیکشن کمیشن نے عمران خان کا کیس کیوں 8 سال سے روکا ہے،نہال ہاشمی اور دانیال عزیز کا کیا قصور تھا؟ یہ لوگ کیس کی میرٹ پر
بات کرنے سے کتراتے ہیں ،الیکشن کمیشن کا اختیار ہے وہ الیکشن کا اعلان کرے،
ن لیگی رہنما، وزیراعظم کے مشیر عطا تارڑ کا کہنا تھا کہ عمران خان نے ہائیکورٹ سے راہ فرار کی کوشش کی،نااہلی عمران خان کا مقدر ہے،ایک وزیراعظم کوبیٹے سے تنخواہ نہ لینے پر نااہل کیا جاسکتا ہے،
ن لیگی رہنما طلال چودھری کا کہنا تھا کہ لیول پلینگ فیلڈ میں شفاف الیکشن ہوسکتے ہیں ،ہم عمران خان کو بھاگنے نہیں دیں گے،اگر تم صاف ہوتو تلاشی کیوں نہیں دیتے واضح رہے کہ مبینہ بیٹی ظاہر نہ کرنے پر نااہلی کیس میں سابق وزیراعظمعمران خان نے عدالت میں اپنا جواب جمع کرادیا
پی ٹی آئی چیئرمین عمران خان نے مبینہ بیٹی کو کاغذات نامزدگی میں ظاہر نہ کرنے کے کیس کو خارج کرنے کی استدعا کی ہے۔ مبینہ بیٹی کو کاغذات نامزدگی میں ظاہر نہ کرنے کے کیس میں نامزد چیئرمین تحریک انصاف عمران خان نے اسلام آباد ہائی کورٹ میں نااہلی کیس میں ابتدائی جواب جمع کرا دیا ہے۔چیئرمین تحریک انصاف نے عمران خان نے اپنے خلاف کیس کو خارج کرنے کی استدعا کرتے ہوئے مؤقف پیش کیا ہے کہ بطور رکن اسمبلی آفس چھوڑ چکا، اس لئے میرے خلاف درخواست قابل سماعت نہیں۔ عمران خان نے اپنے جواب میں یہ بھی مؤقف اختیار کیا ہے کہ اسلام آباد ہائی کورٹ اس درخواست کو نہيں سن سکتی۔ واضح رہے کہ ساجد نامی شہری نے اسلام آباد ہائی کورٹ میں مؤقف پیش کیا ہے کہ عمران خان نے کاغذات نامزدگی جمع کراتے وقت غلط معلومات فراہم کیں، اور انہوں نے بچوں کی تفصیل میں 2 کا ذکر کیا بیٹی کی معلومات چھپائیں۔
