بھارتی فوج کی نااہلی اور ناتجربہ کاری کی ایک اور نئی مثال سامنے آ گئی ، بھارتی فوج نے راجھستان میں میزائل فائرکر دیا اور کہہ دیا کہ غلطی سے ہو گیا،
میڈیا رپورٹس کے مطابق میزائل فائر کرنے کا واقعہ پوکھران میں فوجی فیلڈ فائرنگ پریکٹس کے دوران پیش آیا، بھارتی فوجی حکام کا کہنا ہے کہ میزائل طیارے میں نصب تھا لیکن ملبہ کھیتوں میں جا گرا، رپورٹس کے مطابق میزائل فائر ہونے کے واقعہ میں کوئی جانی نقصان نہیں ہوا، تا ہم واقعہ کی تحقیقات کا حکم دے دیا گیا ہے،
بھارتی فوج کی نااہلی اور ناتجربہ کاری کی کئی مثالیں پہلے بھی سامنے آ چکی ہیں یہ پہلا موقع نہیں کہ بھارتی فوج سے غلطی سے میزائل فائر ہوا ،اس سے قبل بھی ایسے واقعات پیش آ چکے ہیں، گزشتہ دنوں بھارتی فوج نے ٹریننگ کے دوران اپنے ہی گاؤں پر مارٹر گولہ پھینک دیا تھا جس کے نتیجے میں تین افراد کی موت ہو گئی ہے، گزشتہ برس بھی ایک ایسا ہی واقعہ پیش آیا تھا جب فائرنگ رینج کے قریب ایک شہری بھارتی فوج کی غلطی کی وجہ سے ہلاک ہو گیا تھا
