چیئرمین تحریک انصاف عمران خان کی اہلیہ بشریٰ بی بی شوہر سے ملاقات کیلئے اٹک جیل پہنچیں تو پولیس نے انہیں چیک پوسٹ پر روک لیا۔
نجی ٹی وی ڈان نیوز کے مطابق بشریٰ بی بی کے ساتھ وکلا کی ٹیم بھی موجود ہے، اٹک جیل میں اسیر عمران خان سے ملاقات کیلئے بشریٰ بی بی کو چیک پوسٹ پر تعینات پولیس نے روایتی سلوک کرتے ہوئے اندر جانے کی اجازت دینے سے انکار کرتے ہوئے روک لیا۔
اس سے قبل بشریٰ بی بی نے لاہور ہائیکورٹ میں درخواست دائر کی جس کی سماعت جسٹس عالیہ نیلم نے کی، درخواست میں بشریٰ بی بی کے خلاف مقدمات کا ریکارڈ فراہم کرنے کا کہا گیا ہے۔ درخواست میں وفاق، نیب، ایف آئی اے اور پولیس سمیت دیگر کو فریق بنایا گیا ہے۔