تلہ گنگ شہر اور گردونواح میں نجی گاڑیوں پر پولیس کی مخصوص لائیٹس کا بے دریغ اور غیر قانونی استعمال کیا جا رہا ہے ۔ جن کو کوئی پوچھنے والا نہیں ہے۔ لینڈ کروزر سے لیکر چھوٹی گاڑیوں کے مالکان پروٹوکول کا نشہ اپنی اپنی گاڑیوں پر پولیس کی مخصوص لائٹس اور شیشوں پر بلیک پیپر لگا کر پورا کرنا چاہتے ہیں ۔ محکمہ پولیس کی جانب سے خاموشی سادھ لینے پر کسی حد تک ایسے لوگ اپنی ذہنی تسکین حاصل کرنے میں کامیابی محسوس کر رہے ہیں۔ عوامی و سماجی حلقوں نے ایسے عناصر کےخلاف بلا تفریق کارروائی کا مطالبہ کیا ہے ۔
