امریکی صدر جو بائیڈن کا کہنا ہے نئی دہلی میں 2 روزہ جی 20 سربراہی اجلاس کے موقع پر بھارتی وزیراعظم نریندر مودی سے ہونے والی ملاقات میں انسانی حقوق اور آزادی صحافت کا مسئلہ اٹھایا۔
صدر بائیڈن نے ویتنام میں گفتگو کرتے ہوئے کہا کہ ہمیشہ کی طرح مودی سے انسانی حقوق کے احترام کی اہمیت پر بات کی۔
انہوں نے کہا کہ میں نے مضبوط و خوشحال ملک کی تعمیر میں سول سوسائٹی، آزاد صحافت کی اہمیت کو اجاگر کیا۔
خیال رہے کہ صدر جوبائیڈن کی بھارتی وزیراعظم سے جمعہ کو جی 20 اجلاس کی سائیڈلائن میں ملاقات ہوئی تھی جس میں ملاقات کے بعد صحافیوں کو سوالات کے لیے نہیں بلایا گیا تھا۔
برطانوی میڈیا کے مطابق ملاقات کے بعد بھارت کی جانب سے جاری بیان میں انسانی حقوق پر بات چیت کا ذکر نہیں تھا۔
